Emri/ Në kërkim për plagosje të rëndë me dashje, arrestohet 18-vjeçari nga Durrësi

Policia e Durrësit ka arrestuar, një 18-vjeçar në kërkim, i dënuar me 2 vite burg për plagosje të rëndë me dashje.

Specialistët e Seksionit për Hetimin e Krimit, në vijim të punës për kapjen e personave në kërkim dhe vënien e tyre para përgjegjësive ligjore, u kap dhe u ndalua shtetasi në kërkim Xhuljan Sejdini, 18 vjeç, banues në Sukth, Durrës.

Arrestimi i tij erdhi pasi Gjykata e Shkallës së Parë Durrës, më datë 31.05.2021, e ka dënuar me 2 vite burgim, për veprën penale “Plagosja e rëndë me dashje”.

Sejdini, më datë 22.09.2020, pranë një lokali në Sukth, pas një konfliktit të çastit, ka plagosur me thikë shtetasin E. Z.

Materialet kaluan në Prokurorinë e Rrethit Gjyqësor Durrës, për veprime të mëtejshme.