Një 21-vjeçar është ndaluar nga policia, pasi publikoi një video në rrjetin social “Tik-Tok”, në të cilën shfaqej duke përdorur aparatin celular gjatë drejtimit të mjetit.
Policia bën të ditur se në bulevardin “Dëshmorët e Kombit”, shërbimet e Policisë kanë ndaluar mjetin me drejtues shtetasin E. D., 21 vjeç, i cili drejtonte mjetin duke përdorur celularin, pa vendosur rripin e sigurisë dhe pa leje drejtimi.
Gjatë testit të kryer me “AquilaScan”, rezultoi se ky shtetas drejtonte mjetin, nën efektin e lëndëve narkotike.
Në vijim të veprimeve u bë arrestimi në flagrancë i shtetasit E. D., për veprën penale “Drejtimi i automjeteve në mënyrë të parregullt”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
