Presidenti Ilir Meta bën thirrje për organizim jo vetëm shtetëror, por edhe mbarëqytetar për përballimin e emergjencës që ka shkaktuar tërmeti i mëngjesit të sotëm. Pasi ka vizituar nga afër Shtabin e Emergjencave në stadiumin e Durrësit dhe familjarët e prekur nga pasojat e tërmetit, Meta shprehet se pasojat e tërmetit në Durrës janë dramatike. Meta u bëri apel të gjithë sipërmarrësve dhe qytetarëve që mund të ndihmojnë sadopak që familjet e prekura nga tërmeti të tejkalojnë këtë moment dramatik.
"Sapo vizitova Shtabin e Emergjencës në stadiumin e Durrësit dhe takova shumë familjarë që s'mund të strehohen më në shtëpitë e tyre! Pasojat e tërmetit në Durrës janë dramatike dhe kërkojnë organizim të jashtëzakonshëm, jo vetëm shtetëror, por mbarëqytetar! Ndaj duke falenderuar institucionet për punën e tyre u apeloj të gjithë sipërmarrësve dhe qytetarëve që mund të ndihmojnë sadopak, të kontribuojnë që mijëra familje të tejkalojnë këtë moment dramatik", shkruan presidenti Meta në Facebook.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
