Një 22-vjeçar i shpallur në kërkim për plagosje të rëndë është arrestuar nga Policia në Shëngjin.
Sipas njoftimit të Drejtorisë Vendore të Policisë Lezhë, kapja e tij u bë e mundur falë administrimit të shpejtë të informacioneve të siguruara në rrugë operative.
I arrestuari është shtetasi me iniciale G. M., 22 vjeç, banues në fshatin Ishull Shëngjin.
Ai ishte shpallur në kërkim pasi Gjykata e Lezhës, në vitin 2023, i kishte caktuar masën e sigurisë “arrest në burg”, në mungesë, për veprën penale “plagosja e rëndë me dashje”, kryer në bashkëpunim.
Nga hetimet dyshohet se në muajin gusht të vitit 2023, në fshatin Gjadër, 22-vjeçari, në bashkëpunim me vëllanë e tij, shtetasin E. M. (i arrestuar në nëntor 2023), ka plagosur rëndë me armë zjarri shtetasin me iniciale D. Gj.
Materialet procedurale i janë referuar Prokurorisë së Lezhës për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
