Dy persona u arrestuan për dhunë ndaj bashkëshorteve në Gjirokastër. Në pranga ra një 35-vjeçar me inicialet E.K., pasi dhunoi fizikisht dhe psikologjikisht gruan.
Ndërkaq u procedua në gjendje të lirë Z. J., 45 vjeç, banues në Libohovë, pasi ka dhunuar psikologjikisht, bashkëshorten e tij.
NJOFTIMI
Ushtroi dhunë fizike dhe psikologjike ndaj bashkëshortes arrestohet 35-vjeçari.
Pocedohet penalisht për dhunë psikologjike ndaj bashkëshortes dhe një 45-vjeçar.
Specialistët e Seksionit për Hetimin e Krimeve të Komisariatit të Policisë Gjirokastër, pas denoncimeve të marra për 2 raste të dhunës në familje arrestuan në flagrancë shtetasin E. K., 35 vjeç, banues në Gjirokastër, pasi kishte dhunuar fizikisht dhe psikologjikisht, bashkëshorten e tij;
- Si dhe po nga këto struktura u referuan materialet në Prokurori, ku nisi procedimi në gjendje të lirë për shtetasin Z. J., 45 vjeç, banues në Libohovë, pasi ka dhunuar psikologjikisht, bashkëshorten e tij.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
