Gazetari Xhevahir Zhabina tha në emisionin “Fact Check” se SPAK është përballë një borxhi publik, për të treguar nëse ka të drejtë apo jo Gazment Bardhi në lidhje me denoncimet. Sipas Zhabinës në rast se SPAK vërteton të kundërtën e atyre që pretendon Bardhi, deputeti do të jetë përballë një akuze shumë të rëndë.
“Ngrita pikëpyetjen përse një politikan, drejtues qarku në Elbasan do të merrte vet një shifër, 100 mijë euro, nga një person i cili ishte i skeduar nga policia, në këtë rast Erigers Mihasi. Ajo që është më e rëndë nëse është e vërtetë është fabrikimi i komunikimeve të tilla dhe hedhja në publik e tyre. SPAK duhet ta ketë prioritet si hetim.
z.Bardhi ka bërë një deklaratë shumë të fortë në daljen nga Prokuroria e Posaçme, që tha se i është konfirmuar që kjo bisedë nuk ekziston në fashikujt e Prokurorisë. Në rast se SPAK vërteton të kundërtën z.Bardhi është përballë një akuze shumë të rëndë. Prokuroria e Posaçme është përballë një borxhi publik që të na tregojë nëse z.Bardhi ka të drejtë apo jo”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
