Një person ka mbetur i plagosur gjatë ditës së sotme, pas një konflikti të ndodhur në zonën e Yzberishtit në Tiranë.
Pas marrjes së njoftimit se në Yzberisht, është dëmtuar një person me mjet prerës gjatë një konflikti për motive të dobëta, efektivët e policisë kanë organizuar punën me qëllim identifikimin dhe kapjen e autorit si dhe dokumentimin e plotë ligjor të ngjarjes.
Si rezultat i reagimit në kohë dhe veprimeve të shpejta hetimore u bë identifikimi i autorit, shtetasit A. P., 24 vjeç, banues në Tiranë, i cili u prangos rreth dy orë pas ngjarjes.
24-vjeçari dyshohet gjatë një konflikti për motive të dobëta ka plagosur me një mjet prerës shtetasin E. Rr., 53 vjeç, i cili ndodhet jashtë rrezikut për jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
