Policia e Kosovës ka bërë të ditur se për shkak të kanosjes me mjete shpërthyese është mbyllur përkohësisht Aeroporti ndërkombëtar “Adem Jashari” në Prishtinë.
Lajmin e ka konfirmuar edhe zëdhënësja e aeroportit të Kosovës, Valentina Gara.
Konfirmojmë se kemi pranuar një kërcenim me bombë. Udhëtarët dhe personeli janë evakuuar dhe janë të sigurt.
Ekipet e involvuara në planin emergjent janë duke kryer detyrat e tyre.
Për këtë kanosje me mjete shpërthyese ka reaguar edhe Policia e Kosovës.
Policia e Kosovës përmes një komunikate për media ka bërë të ditur se në bashkëpunim dhe koordinim me institucionet relevante, ka ndërmarrë veprimet e menjëhershme policore, ku për shkaqe sigurie ka mbyllur përkohësisht aeroportin.
Me qëllim të hetimit, kontrollit dhe masave të sigurisë, janë angazhuar njësitet relevante, andaj kërkojmë mirëkuptimin e të gjithë qytetarëve.
Policia e Kosovës do të vazhdoj të ju mbaj të informuar lidhur me zhvillimet e mëtejme deri në hapjen e aeroportit për qarkullim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
