Policia e Tiranës ka shpallur në kërkim një 45-vjeçar, i vënë nën akuzë për ngacmim seksual ndaj një të mituri. Sipas informacioneve të policisë, ai akuzohet se ka kryer veprime të turpshme me djalin e nipit të tij. Ngjarja ka ndodhur në Yzberisht.
Ka qenë pikërisht 5-vjeçari ai që u ka treguar prindërve të tij për veprimet që 45-vjeçari kishte bërë ndaj tij. Këta të fundit të shokuar, kanë denoncuar rastin në polici, ndërsa uniformat blu kanë shpallur në kërkim autorin e dyshuar.
"Më datë 01.02.2021, u referuan materialet në Prokurorinë pranë Gjykatës së Shkallës së Parë Tiranë dhe punohet për kapjen e shtetasit S. K., 45 vjeç, sepse në rrugën “3 Dëshmorët”, ka kryer veprime të turpshme me një shtetas të mitur", njoftoi policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
