Sanitarja e spitalit “Shefqet Ndroqi”, Tire Alldervishi është lënë sërish në burg nga Gjykata e Apelit të Tiranës. Disa ditë më parë, sanitarja e akuzuar për mashtrim, kërkoi në Apelit nëpërmjet avokates së saj të lirohej nga burgu.
Në kërkesën e saj për zbutjen e masës së sigurisë, Tire Alldervishi shprehej se ka qenë e prekur me Covid dhe se sipas saj nuk është negativizuar. “Jam rrezik për të infektuar edhe të tjerët në burg”, thuhej ne kërkesën e bërë në Gjykatë.
Tire Alldervishi akuzohet për “mashtrim më shumë se një herë”. Ajo u vu në pranga, pasi duke u hequr si infermiere mashtroi një 30- vjeçare, vajza e një pacienteje me Covid-19, që po trajtohej në spitalin “Shefqet Ndroqi”. Ajo arriti ti merrte të resë rreth 8 milionë lekë të vjetra, me pretendimin se do kujdesej për nënën e saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
