Komisioni i Pavarur i Kualifikimit ka konfirmuar sot në detyrë gjyqtarin e Gjykatës së Vlorës, Engert Pëllumbi.
KPK dhe trupa e përbërë nga Roland Ilia, Brunilda Bekteshi dhe Pamela Qirko vendosën konfirmimin në detyrë të gjyqtarit Pëllumbi, vendim ky i cili u mor pas hetimit që u zhvillua në të tria shtyllat e Vettingut.
Pëllumbi rezultoi i pastër në seancën që u zhvillua më 5 tetor, ndërsa DSIK dorëzoi një raport ku ai shihej si i papërshtatshëm për të vazhduar detyrën. Por gjyqtari kërkoi shpjegime, të cilat u morën parasysh nga trupa e KPK duke sjellë në pranimin e tyre dhe rrëzimin e raportit të DSIK.
Engert Pëllumbi i përfundoi studimet në Shkollën e Magjistraturës në vitin 2011 dhe u emërua gjyqtar në Gjykatën e Fierit.
Në vitet 2017-2020, Pëllumbi punoi si këshilltar ligjor në Gjykatën e Lartë dhe prej nëntorit 2020 e ushtron funksionin në Gjykatën e Apelit të Vlorës, si pjesë e skemës së delegimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
