Policia e Tiranës ka arrestuar 65-vjeçarin me iniciale A.U, i cili akuzohet për zjarrvënie. Bëhet me dije se 65-vjeçari kishte ndezur një zjarr në pronën e tij, por ai doli jashtë kontrollit dhe dëmtoi edhe ullishtet e komshiut.
Njoftimi i Policisë:
Zbardhet në kohë rekord nga Komisariati i Policisë Nr. 6, zjarrvënia në fshatin Roshnje, Njësia Administrative Pezë. Arrestohet në flagrancë një 65-vjeçar, si autor i dyshuar i zjarrvënies.
Specialistët për Hetimin e Krimit në Komisariatin e Policisë Nr. 6, pas marrjes së njoftimit se në fshatin Roshje, Njësia Administrative Pezë, kishte rënë zjarr dhe për pasojë ishte djegur një sipërfaqe e konsiderueshme ullishtesh, menjëherë organizuan punën dhe falë veprimeve të shpejta dhe profesionale bënë kapjen dhe arrestimin në flagrancë të shtetasit:
A. U., 65 vjeç, banues në Pezë.
Nga veprimet e para hetimore rezultoi se ky shtetas kishte ndezur një zjarr në pronën e tij, i cili i ka dalë jashtë kontrollit dhe për pasojë janë dëmtuar ullishtet që ndodheshin në kufi me pronën e tij. Materialet i kaluan Prokurorisë së Rrethit Gjyqësor Tiranë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
