Gjykata e Korçës ka caktuar masën e sigurisë “Arrest me burg” për shtetasin Agim Çaçi, i cili akuzohet se në bashkëpunim me dy persona të tjerë grabitën mëngjesin e së martës kambistin Shefqet Muça.
Seanca për këtë shtetas është zhvilluar mesditën e ditën e sotme, ndërkohë që në përfundim të saj ka dhënë masën arrest me burg.
Kujtojmë që ngjarja ndodhi në orët e para të mëngjesit të së martës në lagjen numër 1 të qytetit të Korçës, ku Agim Çaçi së bashku me dy shtetas të tjerë i grabitën kambistit 40 milionë lekë të vjetra.
Pas një përplasje fizike midis kambistit dhe Çaçit, ky i fundit përfundoi në prangat e policisë ndërsa dy të tjerët janë ende në kërkim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
