Ministri kroat i Mbrojtjes, Ivan Anušić, deklaroi se duke forcuar mbrojtjen e saj, Kroacia do të rivendosë ekuilibrin e forcave të armatosura në rajon dhe vlerësoi se retorika nga Serbia është agresive dhe armiqësore, sipas mediave të huaja.
Në konferencën ndërkombëtare të industrisë së mbrojtjes "EU 4 Defence Readiness", Anušić tha se Kroacia është "e vetëdijshme se Serbia është armatosur intensivisht me sisteme sulmi shumë serioze për 10 vjet".
Anušić tha gjithashtu se Serbia “nuk po ndalet me retorikën që kishte në vitet 1990, e cila çoi në luftëra të përgjakshme në Slloveni, Kroaci, Bosnjë dhe Hercegovinë dhe Kosovë”.
Ai theksoi se lajmi se Serbia posedon raketa hipersonike me një rreze veprimi deri në 400 kilometra dhe deklaratat nga Serbia me këtë rast ishin "motiv i mjaftueshëm që Kroacia të kërkonte një kundërpërgjigje".
“Kemi një kundërpërgjigje. Shumë shpejt do të kemi sistemin e raketave Chunmoo, me rreze të gjatë veprimi, me rreze më të gjatë veprimi se ata. Do të rivendosim ekuilibrin e forcave të armatosura në këtë mjedis në Evropën Juglindore”, tha Anušić, duke iu referuar kontratës me kompaninë e Koresë së Jugut “Hanëha Aerospace” për prokurimin e 18 lëshuesve të raketave vetëlëvizëse Chunmo K239.
Anusiç tha se situata e sigurisë në zonën përreth Kroacisë është “e vështirë dhe e ndërlikuar”, ndërsa e quajti retorikën nga Serbia “të pabesueshme, agresive, ofenduese dhe shumë armiqësore”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
