
Presidenti rus Vladimir Putin ëndërron një Jaltë të re, por gjithë çfarë ai është vërtet i aftë të negociojë, duke pasur parasysh luftën në rritje në Ukrainë, është armëpushimi, jo një arkitekturë e re sigurie në Evropë, tha Ministri i Jashtëm ukrainas Andrii Sybiha.
“Putini po paraqet ide për të riformësuar rendin e sigurisë në Evropë. Në ëndrrat e tij, ai e imagjinon veten në Jaltë në vitin 1945.
Problemi është se, për të propozuar ide të një madhësie të tillë, së pari duhet të fitosh një luftë botërore. Rusia kaloi katër vjet e tetë muaj duke humbur thjesht fshatin Mala Tokmachka në rajonin e Zaporizhias.
Rusia ka pësuar mbi 1.6 milion viktima, të vrarë dhe të plagosur, por nuk ka arritur të arrijë asnjë nga objektivat e saj të pushtimit. Vetëm në tetor, ajo humbi 54.400 pushtues, ndërsa Ukraina ka çliruar më shumë territor sesa Rusia arriti të pushtojë.
Në këtë pikë, maksimumi që Putini mund të negociojë është një armëpushim i drejtë përgjatë vijës aktuale të kontaktit, jo sferave të ndikimit në Evropë. Sinqerisht, Evropa nuk ka nevojë për një rend të ri sigurie. Ajo tashmë e ka një të tillë, të cilin Rusia vazhdon ta shkelë. Plani më i mirë për një Evropë të sigurt dhe të lirë është t’i japë fund agresionit rus kundër Ukrainës”, përfundoi ministri në një mesazh në X.
Kujtojmë se Konferenca e Jaltës ishte një takim diplomatik të krerëve të SHBA, Britanisë së Madhe dhe Bashkimit Sovjetik, i mbajtur në vendpushimin krimeas të Jaltës.
