Franca ka vendosur në gatishmëri rreth 70,000 forcave të sigurisë në të gjithë vendin për të parandaluar përshkallëzimin e trazirave civile, pas dhunës më të rëndë të parë në rrugë ndër vite.
Operacioni masiv, i cili përfshin njësi elitare antiterrorizëm, mjete të blinduara, helikopterë dhe dronë, vjen si përgjigje ndaj thirrjeve në mediat sociale nga grupe të "ultra-së majtë" për të shfrytëzuar protestat mbi koston e jetesës.
Ministri i Brendshëm, Laurent Nuñez, paralajmëroi një qëndrim jashtëzakonisht të vendosur dhe zero tolerancë ndaj dhunës dhe plaçkitjeve.
Frika nga trazirat ka paralizuar jetën kulturore dhe ekonomike; muzeumet kryesore si Luvri dhe Orsay u mbyllën, programi i fundjavës i panairit "Art Basel" u anulua dhe bizneset në Paris kanë barrikaduar ambientet e tyre.
Ndërsa qeveria e presidentit Emmanuel Macron po tenton të menaxhojë krizën gjashtë muaj para zgjedhjeve presidenciale, opozita e majtë dhe sindikatat kanë kritikuar ashpër ndalimin e tubimeve, duke e akuzuar qeverinë për kalim drejt një "shteti policor".
Valë pakënaqësie dhe protesta të ngjashme për koston e jetesës janë paralajmëruar këtë fundjavë edhe në kryeqytete të tjera europiane, përfshirë Tiranën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
