Një studim i ri i cili është botuar së fundmi në revistën shkencore ‘Nature Medicine’, ka konfirmuar se gratë raportojnë nivele më të larta të dhimbjes sesa burrat në të gjitha zonat e trupit.
Hulumtimi harmonizoi të dhënat e më shumë se 6 milionë njerëzve nga 118 vende të botës duke zbuluar se ky hendek gjinor është i qëndrueshëm dhe shtrihet në mbarë globin.
Ekspertët e neuroshkencës dhe shëndetit riprodhues theksojnë se megjithëse gratë mbajnë barrën më të madhe të dhimbjes, sidomos për sa i përket dhimbjeve të kokës dhe stomakut, dhimbja e tyre ka më shumë gjasa të shpërfillet, të diagnostikohet me vonesë ose të nëntrajtohet në krahasim me burrat.
Studimi tregoi se rritja më e madhe e dhimbjes ndodh para moshës 55 vjeç, gjatë viteve më produktive të punës dhe riprodhimit, përpara se format më paaftësuese të saj të arrijnë kulmin në moshën e mesme dhe të vonë.
Për më tepër, studiuesit gjetën se 18.3% e barrës globale të dhimbjes i atribuohet faktorëve socialë dhe të stilit të jetesës, si pirja e duhanit, obeziteti dhe të ardhurat e ulëta familjare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
