Studentët dhe të rinjtë kanë njoftuar se do të rikthehen sërish në rrugë ditën e nesërme, në orën 14:00, përpara Ministrisë së Arsimit.
Pas protestës së sotme në Tiranë, e cila u shoqërua me tensione të larta, përplasje fizike dhe përdorim masiv të gazit lotsjellës nga forcat e rendit, lëvizja studentore ka bërë të qartë se nuk ka ndërmend të ndalet, duke paralajmëruar vijimin e rezistencës.
Tubimi i radhës pritet të nisë në të njëjtën pikë strategjike, ku të rinjtë do të mblidhen fillimisht për të artikuluar kërkesat e tyre përpara institucionit të arsimit dhe për të shprehur revoltën ndaj dhunës policore.
Kjo lëvizje vjen si pasojë e drejtpërdrejtë e përshkallëzimit të dhunshëm të situatës gjatë ditës së sotme në disa zona kyçe të kryeqytetit.
Përplasjet disorëshe, ku policia përdori gaz lotsjellës, plumba gome dhe ujë me presion për shpërndarjen e turmave, vetëm sa kanë shtuar vendosmërinë e studentëve për të vijuar marshimet deri në plotësimin e kërkesave të tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
