Një tjetër dokument i vitit 2020 është zbuluar nga 'Homeland Justice' i lidhur me Shërbimin Informativ të Shtetit (SHISH) në lidhje me një rialokim të brendshëm të fondeve të tij të planifikuara për investime publike, konkretisht për "Rikonstruksione dhe Ndërtime për Institucionet e SHISH".
Sipas një dokumenti zyrtar të Ministrisë së Financave dhe Ekonomisë, të firmosur nga ministrja e asaj kohe, Anila Denaj, bëhet fjalë për një transferim fondesh për shpenzime kapitale me vlerë totale prej 1,080,000 lekësh.
Nga të dhënat e tabelës bashkëngjitur shkresës, rezulton se buxheti është ndryshuar duke u hequr disa strukturave dhe duke kaluar në favor të disa drejtorive rajonale.
Nga fondet ekzistuese janë pakësuar gjithsej 1,080,000 lekë nga dy struktura:
• Aparati Qendror SHISH (Kodi 1018001) – i janë pakësuar 856,000 lekë.
• SHISH Drejtoria Rajonale Nr. 4 (Kodi 1018018) – i janë pakësuar 224,000 lekë.
Kjo vlerë monetare e mbledhur është transferuar për dy degë të tjera rajonale të shërbimit sekret, të cilat do t'i përdorin për ndërtime dhe rikonstruksione:
• SHISH Drejtoria Rajonale Nr. 1 (Kodi 1018004) – i shtohen 630,000 lekë.
• SHISH Drejtoria Rajonale Nr. 3 (Kodi 1018014) – i shtohen 450,000 lekë.
Ky vendim është marrë në zbatim të ligjit për buxhetin e vitit përkatës dhe udhëzimeve të Ministrisë së Financave mbi procedurat standarde të zbatimit të buxhetit, pas një kërkese zyrtare të vetë Shërbimit Informativ të Shtetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
