Masa e sigurimit është kthyer në jo pak raste në debat mes palëve në një çështje. Më 4 maj 2026, Kolegjet e Bashkuara të Gjykatës së lartë vendosën unanimisht që masa e sigurisë "arrest në burg" të riformulohet dhe të mos përdoret më si zgjedhje e parë. Në studion e MCN Live, dy avokatët Isuf Shehu dhe Ervin Karanxha thanë se ka nevojë të rishikohen dispozitat.
Isuf Shehu
Gjykata duhet ta kufizojë veten e saj vetëm përsa u përket nevojave të sigurisë. Ky element duhet peshuar nga Gjykata e Lartë. Por nuk ka një refleksion të qartë.
Duhet të ketë disa ndryshime. Duhen rishikuar dispozitat.
Ervin Karanxha
Këtë vit doli një amnisti gjysmake. Sot që flasim nuk ka dhënë asnjë lloj efekti. Numri i të paraburgosurve është më i madh se ai i të burgosurve. Vendimi i Gjykatës së Lartë ngelet në letër. Kemi më shumë të paraburgosur se të dënuar me vendim të formës së prerë. Duhet që specialistët të japin mendimin e tyre pse aplikohet masa e arrestit pa kriter. Ka qenë 50 euro më parë, sot mund të ketë shkuar 70-80 euro. shohim që shteti del me humbje. Me ndihmën e BE po hapen burgje të reja. Mendoj që me Kodet Penale duhet të jemi të kujdesshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
