Banorë të zonës në qytetin e Memaliajt kanë kontaktuar shërbimet e Policisë së Shtetit, pasi kanë diktuar praninë e dyshimtë të armëve të zjarrit në lagjen nr. 4 të qytetit.
Sipas të dhënave operative, dy armët e zjarrit automatike ishin fshehur pranë murit të një godine të vjetër dhe të pabanuar.
Burime bëjnë me dije se efektivët kanë shkuar menjëherë në vendngjarje, ku kanë bërë sekuestrimin e dy automatikëve në cilësinë e provës materiale.
Grupi hetimor ka nisur punën në terren dhe po grumbullon çdo indicie apo dëshmi të mundshme me qëllim identifikimin dhe kapjen e autorëve që i kanë fshehur këto armë, të cilat dyshohet se mund të përdoreshin për llogari të ndonjë ngjarjeje kriminale në vijim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
