Prania e vajit në rrugë është konstatuar në lagjen “Punëtori”, përgjatë aksit rrugor pranë bypass-it të Gjirokastrës, në të gjithë segmentin nga Ura e Nanxës.
Për shkak të vajit të shpërndarë në asfalt, janë krijuar vështirësi në qarkullim, ndërsa disa automjete kanë rrezikuar rrëshqitjen duke rritur rrezikun edhe për aksidente rrugore te mundshme.
Pas situatës së krijuar, në vendngjarje kanë ndërhyrë forcat zjarrfikëse, të cilat kanë kryer pastrimin dhe shpëlarjen e rrugës me ujë dhe solucion të posaçëm, me qëllim largimin e vajit nga sipërfaqja e asfaltit per te evituar problematikat.
Ndërkohë, shërbimet e Policisë Rrugore po monitorojnë situatën dhe po drejtojnë lëvizjen e automjeteve, për të garantuar sigurinë e përdoruesve të rrugës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
