Sulmet ndaj rafinerive të naftës nuk ndikojnë në përgatitjet për negociatat e ardhshme trepalëshe mbi Ukrainën në Abu Dhabi, sepse përgatitja e tyre nuk nënkupton marrjen e detyrimeve për të kufizuar veprimet luftarake, tha sot zëdhënësi i presidentit rus, Dmitry Peskov.
“Jo. Sepse përgatitjet për negociatat nuk nënkuptojnë marrjen e ndonjë detyrimi në lidhje me kufizimin e veprimeve luftarake”, u tha Peskov gazetarëve, duke iu përgjigjur pyetjes nëse sulmet ndaj rafinerive mund të ndikojnë në organizimin e takimit.
Sipas mediave te huaja, ai theksoi se pala ruse ka njoftuar vazhdimisht se kundërshton një armëpushim i cili, tha ai, do t’u “jepte ukrainasve një pushim”.
“Negociatat po përgatiten”, tha Peskov. Negociatat trepalëshe në Abu Dhabi midis përfaqësuesve të Rusisë, Ukrainës dhe SHBA-së duhet të mbahen pas 4 nëntorit, dhe data e saktë nuk është përcaktuar ende.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
