Tre sezonet tek Napoli, përfshirë aktualin i kanë mjaftuar Scott McTominay për ta ndryshuar rrjedhën e karrierës.
Mesfushori ka arritur të konsolidohet tek bardhekaltërit, i cili vijon i përfshirë në listën e Jose Mourinhos.
Traineri portugez i ka bërë me dije drejtuesve se e dëshiron medoemos skocezin në ekip, i cili karakterizohet si mjaft luftarak dhe efikas.
Flitet se Aurelio Di Laurentis synon të arkëtojë rreth 60 milionë euro, i cili e përfundon kontratën me ‘’ Azurrët ‘’ në qershorin e 2028-tës.
Që prej transferimit në ‘’ Diego Armando Maradona ‘’ 29 vjeçari e ka shtuar protagonizmin, sigurisht tek një ekip ku rivaliteti dhe presioni është shumë i madh.
‘’ Galaktikët ‘’ mbeten një kandidat potencial, ekip i preferuar nga shumë lojtarë për hir të së vërtetës dhe tashmë me ‘’ The Special One ‘’ të rikthyer në ‘’ Santiago Bernabeu ‘’ shanset për arritjen e objektivave janë rritur.
Megjithatë, drejtori sportiv Giovanni Manna është shprehur se ideja e napoletanëve lidhet me zgjatjen e kontratës me lojtarin e lindur në Lancaster, edhe pse pretendimi i tij i arrin 8 milionë eurot në sezon.
Vështirësitë referuar çështjes në fjalë i japin një avantazh të lehtë ‘’ Los Blancos ‘’ edhe pse është përfolur edhe për interesin e Manchester United dhe Aston Villas për nxënësin e Massimilliano Allegrit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
