Një aksident rrugor ka ndodhur në aksin Lushnjë-Berat, pranë fshatit Kashtbardhë. Drejtuesja e makinës nuk ka arritur të marrë dot kthesën dhe ka dalë jashtë rruge, duke përfunduar në kanal, i cili fatmirësisht nuk kishte ujë.
Në makinën tip “Ford”, e marrë me qira, udhëtonin tre motra dhe një fëmijë rreth dy muajsh. Nga ky aksident është plagosur lehtë vetëm pasagjerja, e cila së bashku me fëmijën e mitur është dërguar në spitalin e Lushnjës për kontroll mjekësor.
Mësohet se ato ishin emigrante në Angli dhe po shkonin në Berat. Dyshohet se shkak i daljes nga rruga të jetë bërë mungesa e ndriçimit, e cila ka bërë që shoferja të vazhdojë rrugën drejt pa u futur në kthesë.
Fatmirësisht ato po udhëtonin me shpejtësi brenda normave të lejuara, çka solli edhe vetëm dëme materiale. Policia ndodhet në vendngjarje dhe po dokumenton aksidentin e radhës në këtë kthesë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
