Tirana prej orësh vijoi në kaos, me tym, shpërthime dhe zjarr drejt institucioneve kryesore të vendit gjatë gjithë ditës së mërkurë, deri në orët e vona të mbrëmjes.
E nisur nga studentët një ditë më parë, protesta kulmoi përgjatë gjithë ditës së sotme para Ministrisë së Arsimit, ku nën zjarr përfundoi dhe Ministria e Ekonomisë, Ministria e Drejtësisë dhe institucione të tjera,
Ndërkohë zyrtarisht raportohet për pesë protestues, një qytetar dhe 23 efektivë policie të lënduar në spital.
Nga ana e saj policia ka bërë shoqërimin e disa protestuesve, teksa mllefi i tyre nuk është kursyer as ndaj institucioneve bankare, të cilat kanë rënë pre e sulmeve dhe dëmtimeve.
Edhe godinat e bizneseve të ndryshme ka rënë pre e sulmeve të protestuesve, të cilët marshojnë në rrugët kryesore të vendit.
Rrethrrotullimi i "Zogut të Zi" ka qenë një tjetër vatër e protestuesve, të cilët kanë ndezur zjarr në mes të rrugës, duke bllokuar qarkullimin.
Edhe komisariati nr.2 në kryeqytet u vandalizua dhe iu vu zjarri një makine. Po ashtu zona e "21 Dhjetorit" u përfshi nga kaosi dhe dëmtime të shumta në ambientet e përshkuara nga protestuesit.
Kryeministri Edi Rama nuk ka bërë asnjë reagim deri në këto momente, ndërkohë që zëvendësja e tij Albana Koçiu bëri thirrje për maturi dhe vetëpërmbajtje.
Reagim erdhi dhe nga Ministri i Brendshëm Ervin Demo, i cili deklaroi se politika e vjetër foli me gjuhën e shkatërrimit, ndërsa i ftoi protestuesit që të tërhiqen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
