Spanja ka nisur tre ditë zie kombëtare pas një aksidenti të rëndë hekurudhor pranë qytetit Urda, ku humbën jetën të paktën 68 persona dhe u plagosën dhjetëra të tjerë. Ky është aksidenti i dytë madhor hekurudhor në vend përgjatë këtij viti.
Një tren i kompanisë shtetërore Renfe goditi nga pas një tren privat të kompanisë Iryo që kishte ndaluar në linjën Madrid-Andaluzi. 107 persona u spitalizuan, nga të cilët 15 ndodhen në gjendje të rëndë shëndetësore.
Numri i të vdekurve mund të rritet, pasi ekipet e shpëtimit po hasin vështirësi për të kontrolluar pjesët e fundme të vagonëve të dëmtuar. Garda Civile ka hapur katër zyra në Madrid, Toledo, Kordobë dhe Sevilje për mbledhjen e mostrave të ADN-së nga të afërmit.
Një shkollë në Urda po përdoret si pikë informimi për familjarët, ndërsa janë hapur pika të jashtëzakonshme për dhurim gjaku.
Ministria e Transportit ka bërë të ditur se përplasja erdhi si pasojë e një "gabimi" dhe "rrethanave ende të pashpjegueshme", duke ngritur pikëpyetje të mëdha mbi sigurinë e rrjetit hekurudhor spanjoll.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
