Norvegjia po planifikon të ndaloj përkohësisht syzet inteligjente në disa hapësira publike, si pasojë e shqetësimeve globale për privatësinë dhe rritjen e pajisjeve të regjistrimit të mundësuara nga inteligjenca artificiale.
Qeveria e Oslos po përgatit një projektligj që do të ndalojë syzet me kamerë në vende si parqe, plazhe, shkolla, muze, qendra tregtare, palestra dhe institucione shëndetësore. Përdorimi i tyre privat do të mbetet i lejuar.
Ministri norvegjez i Çështjeve Dixhitale, Torgeir Micaelsen, u shpreh i shqetësuar se njerëzit rrezikojnë të filmohen apo regjistrohen pa dijeninë e tyre në vende ku presin të kenë privatësi.
Qeveria ka njoftuar se do ta paraqesë projektligjin sa më shpejt, ndërsa një grup ekspertësh po punon për rregullat e përhershme.
Ky propozim pason kufizimet tashmë ekzistuese për syzet inteligjente në gjykatat e Britanisë së Madhe dhe SHBA-së, si dhe në disa bare e kinema private.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
