Sekretari Amerikan i Shtetit, Marco Rubio, thotë se bisedimet me Iranin nuk kanë qenë shumë produktive dhe se kërkesat e Iranit janë jo vetëm të papranueshme, por në disa raste të egra dhe qesharake dhe jo realiste.
Rubio foli me gazetarët në Florida të dielën përpara se të nisej për në takimin e Ministrave të Jashtëm të G7 në Francë.
Nuk kam ndonjë progres për t’ju raportuar. Nuk do të thoja se jemi në prag të një përparimi. Presidenti gjithmonë do të preferonte ta zgjidhte këtë dhe çdo problem në mënyrë diplomatike.
Ndonjëherë kjo nuk është e mundur, për fat të keq, por nëse ka një shans për ta bërë këtë, ne do ta shqyrtojmë.
Tani për tani, nuk ka qenë shumë produktive sepse kërkesat iraniane nuk janë thjesht të papranueshme, por në disa raste të egra dhe qesharake dhe vërtet jo realiste.
Kjo është hera e parë që Rubio shprehet se bisedimet janë joproduktive që nga fillimi i luftës.
Presidenti amerikan Donald Trump tha disa orë më parë se është e pamundur që ai të urdhërojë SHBA-në të kthehet në luftë nëse bisedimet vazhdojnë të përparojnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
