Aksident në aksin Peqin–Elbasan, humb jetën pasagjerja dhe plagosen 3 të tjerë

Aksident me pasojë një i vdekur dhe tre të plagosur është regjistruar mbrëmjen e kësaj të hëne në aksin rrugor Elbasan-Peqin.

Ngjarja ka ndodhur rreth orës 19:20,, ku automjeti tip “Volkswagen”, me drejtues shtetasin A. B., 47 vjeç, është përplasur me automjetin tip “Mazda”, me drejtues shtetasin R. Xh., rreth 70 vjeç.

Si pasojë e aksidentit, ka humbur jetën në spital shtetasja D. Xh., rreth 70 vjeçe, pasagjere në automjetin me drejtues shtetasin R. Xh.

Gjithashtu, janë dëmtuar drejtuesit e të dy mjeteve, si dhe pasagjerja në automjetin me drejtues shtetasin A. B., të cilët ndodhen në kujdesin e mjekëve, jashtë rrezikut për jetën.

Grupi hetimor vijon punën për zbardhjen e plotë të rrethanave dhe shkaqeve të aksidentit.