Polonia është përfshirë nga një krizë e rëndë politike dhe kushtetuese, pasi qeveria pro-evropiane e Donald Tusk ka pezulluar nga detyra Presidentin e Gjykatës Kushtetuese, Bogdan Święczkowski, një aleat i afërt i opozitës nacional-konservatore (PiS).
Vendimi ka ndezur protesta të dhunshme në Varshavë dhe ka detyruar Presidentin e vendit, Karol Nawrocki, të anulojë në mes udhëtimin zyrtar drejt Senegalit për t'u kthyer me urgjencë në Poloni.
Dhjetëra protestues të opozitës u mblodhën jashtë gjykatës, ku disa prej tyre çanë gardhin rrethues dhe qëlluan me sende oficerët, duke sjellë arrestimin e tre personave. Policia ka rrethuar dhe blinduar ndërtesën.
Kryeministri Tusk mbrojti vendimin duke thënë se "rivendosja e shtetit të së drejtës është detyrim" pas viteve të paligjshmërisë. Nga ana tjetër, opozita e PiS e ka cilësuar pezullimin si një "sulm kriminal ndaj rendit kushtetues" dhe ka bërë thirrje për rezistencë të vendosur.
Ndërsa akuzat për një "grusht shteti" po shtohen, Ambasadori i SHBA-së ka ndërhyrë duke bërë thirrje për vetëpërmbajtje dhe duke paralajmëruar se situata mund të degjenerojë në diçka shumë më të keqe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
