Shpërthen në ecje automjeti në qendër të Gjirokastrës, plagosen dy persona

Një ngjarje e rëndë është regjistruar mbrëmjen e sotme në qytetin e Gjirokastrës, ku një automjet ka shpërthyer në ecje e sipër. 

Incidenti ka ndodhur në bulevardin kryesor të lagjes “18 Shtatori”, përpara godinës së Gjykatës.

Pas shpërthimit, mjeti ka humbur kontrollin dhe ka ndaluar pranë Drejtorisë së Policisë pasi është përplasur me një trafikndarëse.

Gjirokastër/Informacion paraprak

 

Rreth orës 22:00, në bulevardin “18 Shtatori”, dyshohet se ka shpërthyer automjeti tip “Benz”, në pronësi të shtetasit B. D., i cili ishte në lëvizje.

 

Si pasojë e shpërthimit, kanë mbetur të dëmtuar shtetasit Rigers Mela dhe Beqir Devolli, të cilët ndodhen në spital, nën kujdesin e mjekëve.

 

Grupi hetimor ndodhet në vendngjarje dhe vijon punën për sqarimin e rrethanave të rastit dhe përcaktimin e saktë të shkakut të shpërthimit