
Moti i keq me reshje intensive shiu dhe erëra të forta ka shkaktuar një situatë alarmante në Bashkinë e Pukës, duke krijuar vështirësi serioze për banorët e zonës.
Sipas informacioneve nga terreni, e gjithë zona ndodhet prej disa orësh pa furnizim me energji elektrike, për shkak të defekteve të shumta të shkaktuara në linjat e transmetimit.
Njëkohësisht, reshjet e dendura kanë sjellë rrëshqitje dherash dhe rënie gurësh, duke bllokuar disa akse rrugore rurale dhe duke vështirësuar ndjeshëm qarkullimin e automjeteve.
Banorët dhe strukturat vendore raportojnë se situata paraqitet problematike, ndërsa pritet ndërhyrja e grupeve të punës për hapjen e rrugëve dhe riparimin e avarive në rrjetin elektrik.
