Nga konferenca e përbashkët me kryeministrin Edi Rama, ambasadorja e Bashkimit Evropian në Shqipëri, Sofia Moreira de Sousa, ka komentuar edhe protestat në Shqipëri.
Ajo u shpreh se ato u nxitën fillimisht nga çështjet mjedisore, por më pas u shoqëruan edhe me kërkesa më të gjera, si lufta kundër korrupsionit dhe përmirësimi i qeverisjes.
Ambasadorja nënvizoi se pakënaqësitë duhet të zgjidhen përmes dialogut të mirëfilltë dhe se institucionet demokratike duhet të krijojnë hapësirën e nevojshme për këtë dialog.
Ishin çështjet mjedisore ato që nxitën protestat, që u shoqëruan me lëvizje më të gjera, luftë kundër korrupsionit, qeverisje më të mirë. Protestat paqësore janë pjesë e jetës demokratike, por në këtë jetë demokratike nuk ka vend dhuna.
Çdo reagim dhune duhet të mbetet proporcional. Por e përsëris, dhuna nuk ka vend në jetën demokratike të vendit. Pakënaqësitë duhet të zgjidhen përmes dialogut.
U takon institucioneve që të krijojnë kushtet për zhvillimin e dialogut demokratik. Dje Shqipëria mori progres-raportin, ku nuk mori kushte të reja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
