Një miliarder i cili më parë kryesonte listën e të pasurve të Sunday Times është bërë biznesmeni i fundit i pasur që largohet nga Mbretëria e Bashkuar për t’u vendosur në Monako.
David Reuben, 88 vjeç, është një manjat pronash dhe aksioner i Newcastle United, i cili së bashku me vëllain e tij më të vogël Simon Reuben, kanë një pasuri neto të kombinuar të vlerësuar prej gati 28 miliardë paundësh.
Dyshja u rendit në vendin e dytë në Listën e të Pasurve të këtij viti dhe u njihen për rinovimet e ndërtesave historike të Londrës, përfshirë Admiralty Arch dhe Cambridge House, të cilat po transformoheshin në hotele luksoze.
Sipas The Times, Reuben u zhvendos në vendin evropian, i njohur si një parajsë fiskale gjatë verës.
Një zëdhënës konfirmoi për gazetën se manjati i pronave ishte zhvendosur në Monako, por nuk pranoi të komentonte më tej.
Javën e kaluar, pronari miliarder i Manchester United, Sir Jim Ratcliffe, u ankua se miliarderët e Britanisë po largoheshin ndërsa vendi ishte “në rënie” dhe fajësoi taksat e larta dhe emigracionin e lartë.
Komentet pasuan largimin e disa prej personave me të ardhurat më të larta në Mbretërinë e Bashkuar, mes tyre themeluesin miliarder të fondeve spekulative Chris Rokos, i cili thuhet se po transferohej në Greqi për shkak të frikës nga rritja e taksave në buxhetin e vjeshtës të qeverisë.
Baroni i çelikut Lakshmi Mittal u zhvendos në Zvicër që kur Partia Laburiste erdhi në pushtet.
“Në Amerikë ata duartrokasin njerëzit që krijojnë pasuri. Për fat të keq, Mbretëria e Bashkuar ka një sy ndryshe ndaj pasurisë për momentin”, tha Sir Jim.
Sir Jim, pasuria e të cilit vlen rreth 15 miliardë paund, u largua nga Mbretëria e Bashkuar në vitin 2018 për t’u bërë rezident tatimor në Monako dhe ishte një mbështetës i shquar i Brexit dhe njeriu më i pasur i Britanisë në kohën e largimit të tij.
Figura të tjera të pasura që po largohen përfshijnë themeluesin e easyJet, Sir Stelios Haji-Ioannou, dhe piloti i Formula 1, Sir Lewis Hamilton.
Më shumë se 10% e pasurisë totale të identifikuar në Listën e të Pasurve kontrollohet nga qytetarë të Mbretërisë së Bashkuar të cilët tani banojnë në Monako, me një total pasurie prej 77 miliardë paundësh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
