Gjykata ndërkombëtare merr kërkesë për të ndjekur penalisht Mbretin Charles

Një tentativë për të ndjekur penalisht Mbretin Charles III të Anglisë mbërriti në një gjykatë ndërkombëtare përpara se të rrëzohej.

Vendimi u dha nga tre gjyqtarë në Gjykatën e Apelit të Viktorias në Australi, të cilët rrëzuan tentativën e aktivistit indigjen, të moshuarit Robbie Thorpe për të ngritur një padi private kundër monarkut.

Mbreti Charrles, i cili ka një shtëpi në Cotswolds, është kreu i shtetit të Australisë, si dhe Mbreti i Mbretërisë së Bashkuar.

Vendimi i lë Thorpe vetëm një rrugë, kërkimin e lejes për të apeluar në Gjykatën e Lartë të Australisë.

Thorpe, një i moshuar 68-vjeçar i popullit Krautatungalung, është përpjekur që nga viti 2023 të nisë procedurat ligjore kundër Mbretit në Melbourne.

Ai pretendonte se monarku, së bashku me institucionet e qeverisë australiane, po kryente gjenocid përmes sistemeve të cilat vënë në disavantazh australianët indigjenë.

Pas vendimit të fundit, Thorpe tregoi se kishte ndërmend ta ndiqte çështjen ndërkombëtarisht.

Ai tha: “Gjykata Ndërkombëtare Penale do ta ekspozojë Australinë për atë që është në të vërtetë, një pushtim gënjeshtar, racist dhe i paligjshëm që kryen gjenocid.”

Vendimi i së hënës shënoi humbjen e tretë ligjore të Thorpe që nga fillimi i fushatës së tij për ta çuar çështjen para gjykatave.

Australianët indigjenë përbëjnë rreth 4% të popullsisë së vendit dhe përjetojnë rezultate më të dobëta shëndetësore, jetëgjatësi më të ulët dhe shkallë më të larta papunësie dhe burgosjeje sesa australianët e tjerë, sipas statistikave zyrtare.

Ekspertët ligjorë të cituar nga organizatat e lajmeve thanë se monarku britanik gëzon imunitet të gjerë nga përgjegjësia penale dhe civile në Mbretërinë e Bashkuar.

Avokatja kushtetuese Anne Twomey, nga Universiteti i Sidneit, tha se kjo mbrojtje mund të jetë trashëguar nga Australia, megjithëse vuri në dukje se nuk ishte në dijeni të çështjes, pasi ajo ishte testuar më parë në një gjykatë australiane.

Mirëpo ndërsa Gjykata Ndërkombëtare Penale nuk njeh imunitet për krerët e shteteve, individët nuk mund të iniciojnë vetë ndjekje penale para gjykatës.

Eksperti i së drejtës ndërkombëtare, Don Rothwell i Universitetit Kombëtar Australian, tha se individët mund t’u paraqesin prova prokurorëve për shqyrtim.

Një individ nuk mund të fillojë një ndjekje penale. Nëse i ka shteruar të gjitha mundësitë sipas ligjit australian, më e mira që mund të bëjë është të kërkojë të ofrojë prova që besojnë se përbëjnë krimin e gjenocidit. 

Pastaj i takon Gjykatës Ndërkombëtare Penale të përcaktojë nëse ata do të kërkojnë të ndjekin penalisht.