Komisioni i pavarur i Premier Ligës ka shpallur fajtor klubin e Manchester Cityt për shkeljen sistematike të rregullave financiare përgjatë një periudhe 9-vjeçare (2009-2018), duke fshehur kosto dhe fryrë të ardhura përmes kontratave "të rreme" në vlerë mbi 900 milionë paund.
Sipas vendimit të bërë publik këtë të martë, fondet e sponsorizimeve që duhej të vinin nga kompanitë, në të vërtetë paguheshin fshehurazi nga Abu Dhabi United Group, kompania mëmë e pronarit të klubit, Sheikut Mansour.
Klubi i Manchester Cityt i ka hedhur poshtë të gjitha akuzat, duke e quajtur vendimin një "teori konspirative" dhe ka konfirmuar se do të apelojë zyrtarisht përpara afatit të së premtes.
Ndërsa drejtori ekzekutiv i Premier Ligës, Richard Masters, e ka cilësuar këtë si rastin më të rëndësishëm në historinë e futbollit anglez, klubi rrezikon sanksione ekstreme në seancat e ardhshme dëgjimore, ku përfshihen heqja e titujve kampionë, zbritja drastike e pikëve apo gjoba masive financiare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
