Një raport i inteligjencës amerikane i gjeneruar nga inteligjenca artificiale “pothuajse shkaktoi një luftë” midis Uashingtonit dhe Pekinit, pasi gabimisht tregoi se një anije kineze po transportonte komponentë bërthamorë në Iran gjatë konfliktit në Lindjen e Mesme, raportoi CNN, duke cituar burime të njohura me incidentin.
Ushtria amerikane po përgatitej të kapte anijen dhe avionët ushtarakë ishin tashmë në ajër, përpara se zyrtarët të shqyrtonin çështjen dhe të kuptonin se raporti ishte përpiluar me ndihmën e një chatbot-i, i cili e kishte identifikuar gabim ngarkesën.
Sipas CNN, një analist ushtarak amerikan e kishte pyetur chatbot-in në lidhje me informacionin nga Komanda e Operacioneve Speciale të SHBA-së në Paqësor, me seli në Hawaii, në lidhje me anijen: chatbot-i e bazoi përgjigjen e tij të pasaktë si në informacionin me burim të hapur ashtu edhe në atë të klasifikuar nga inteligjenca e sinjaleve (SIGINT).
Raporti, sipas njërit prej burimeve, ishte krejtësisht i rremë dhe “pothuajse nisi një luftë”.
Kjo pasi çdo operacion i SHBA-së kundër një anijeje kineze mund të kishte rrezikuar të degradonte në një konflikt të armatosur midis dy kombeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
