Presidenti i Serbisë, Aleksandar Vuçiç, ka deklaruar se pret që zgjedhjet parlamentare të zhvillohen në qetësi dhe se rezultati duhet të pasqyrojë vullnetin demokratik të qytetarëve, sipas mediave serbe.
Pas votimit në Beogradin e Ri, ku ishte i shoqëruar nga bashkëshortja e tij, Tamara Vuçiç, ai tha se partia e tij do ta pranojë rezultatin, pavarësisht nëse fiton apo humbet.
“Ne gjithmonë do të sillemi me përgjegjësi. Nëse humbasim, do ta njohim vullnetin e votuesve, ndërsa nëse fitojmë, askush nuk do të na e marrë atë fitore”, u shpreh Vuçiç para gazetarëve.
Ai theksoi se këto zgjedhje janë një moment vendimtar për drejtimin që do të marrë Serbia, duke e paraqitur votimin si një zgjedhje mes së ardhmes dhe së kaluarës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
