Bashkimi Evropian ka konfirmuar heqjen e të gjitha masave ndëshkuese financiare dhe politike ndaj Kosovës, të vendosura fillimisht në qershor 2023, duke zhbllokuar ndihmën financiare prej rreth 205 milionë €.
Profesori i shkencave politike, Nexmedin Spahiu, në një analizë për “MCN Live”, e cilëson këtë zhvillim si pozitiv për ekonominë dhe një tregues se Kosova ka qenë në të drejtën e saj.
Heqja e sanksioneve është i rëndësishëm për disa arsye.
Së pari për shkak të ndihmës ekonomike, dhe së dyti sepse tregon që Kosova ka qenë në të drejtën e saj dhe që Bashkimi Evropian është bindur se Kosova ka vepruar drejt.
Sipas tij, kjo rrëzon pretendimet e atyre që kanë akuzuar qeverinë se ka ndërmarrë veprime të gabuara në veri të vendit dhe se i ka shkaktuar probleme Kosovës.
Rezulton se këto akuza nuk kanë qenë të drejta. Kosova thjesht ka ushtruar sovranitetin dhe integritetin e saj territorial.
Edhe pse ka pasur probleme dhe moskuptime, si dhe mangësi në diplomaci për t’ua shpjeguar partnerëve evropianë qëndrimin e saj, në fund është vërtetuar se ka qenë në të drejtën e saj.
Spahiu shtoi se heqja e masave përbën gjithashtu një mesazh për Serbinë, duke nënvizuar se Kosova është një shtet i pavarur dhe se realiteti i ri duhet pranuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
