Bashkimi Europian në Kosovë u bën thirrje partive politike dhe përfaqësuesve të tyre në institucionet zgjedhore që të kontribuojnë në zhvillimin e një procesi zgjedhor të qetë, transparent dhe gjithëpërfshirës, në prag të zgjedhjeve të parakohshme.
Në reagimin e saj, BE-ja thekson rëndësinë e respektimit të standardeve demokratike gjatë votimit, duke nënvizuar se formimi dhe funksionimi i institucioneve të Kosovës, si dhe avancimi i procesit të integrimit europian, mbeten prioritete të rëndësishme për vendin.
“Procesi zgjedhor duhet të zhvillohet në mënyrë paqësore, të lirë, të drejtë dhe gjithëpërfshirëse”, thuhet në mesazhin e Bashkimit Europian.
Ndërkohë, Policia e Kosovës dhe Zyra e Kryeprokurorit të Shtetit kanë riafirmuar përkushtimin e tyre për mbrojtjen e rendit kushtetues, ligjshmërisë dhe integritetit të zgjedhjeve.
Sipas një komunikate të përbashkët, gjatë javëve të fundit institucionet e sigurisë kanë trajtuar informacione që lidhen me dyshime për ndërhyrje të jashtme dhe veprime të paligjshme që synojnë të ndikojnë në vullnetin e lirë të votuesve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
