Kosova ka hequr tarifën doganore prej 10 për qind për produktet e Shteteve të Bashkuara të Amerikës
Këtë e bëri të ditur sot kryeministri i vendit, Albin Kurti gjatë mbledhjes së qeverisë.
Kurti tha se të gjitha produktet e SHBA-së që do të hyjnë në Kosovë do të kenë tarifë 0 për qind.
Vendim tjetër i rëndësishëm që po marrim sot është largimi i tarifës doganare me SHBA-të.
Tani e tuje të gjitha produktet me origjinë nga SHBA do të kenë tarifë 0 për qind kur të hyjnë në Kosovë. Kosova i mirëpret produktet amerikane në tregun e saj. Ky është një hap i radhës që dëshmon për marrëdhënie shumë të mira ndërmjet dy vendeve.
Në muajin prill, presidentja Vjosa Osmani, i ka kërkoi Qeverisë së Kosovës ta pezullojë tarifën doganore prej 10 për qind për mallrat nga Shtetet e Bashkuara të Amerikës, pasi që presidenti amerikan, Donald Trump, vendosi tarifë të ngjashme ndaj importeve nga Kosova.
Dhoma e Tregtisë dhe Industrisë në Kosovë kishte pritur me shqetësim vendimin e presidentit amerikan për vendosjen e tarifës bazë prej 10 për qind.
Produktet që i eksporton Kosova në SHBA, përfshijnë ushqime, lëngje, tekstil, dyshekë, por dhe prodhime nga druri dhe plastika.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
