Sulm ndaj rendit kushtetues/ Zyrtarë të Listës Serbe thirren në Prokurorinë Speciale të Kosovës

Po, Departamenti për Hetimin e Terrorizmit në Prokurorinë Speciale të Republikës së Kosovës ka lëshuar ftesa për intervistim në cilësinë e të dyshuarve për nënkryetarin e Listës Serbe, Igor Simiç, si dhe për disa zyrtarë të tjerë të kësaj partie

Nënkryetari i Listës Serbe, Igor Simiç, ka bërë të dije se ai dhe disa zyrtarë të tjerë të partisë më të madhe të serbëve të Kosovës janë ftuar për tu marrë në pyetje, në cilësinë e të dyshuarve, nga Departamenti për Hetimin e Terrorizmit i Prokurorisë Speciale të Kosovës.

 Përmes një postimi në rrjetin social Instagram, Simiç, iu janë komunikuar katër vepra penale: bashkimi me qëllim të sulmit ndaj rendit kushtetues të Kosovës, sulm ndaj personit zyrtar, rrezikim i personit nën mbrojtje ndërkombëtare, pjesëmarrje në turmë që kryen vepër penale dhe huliganizëm. 

Zyrtarët e Listës Serbe i kanë mohuar akuzat. Simiç u shpreh përmes rrjeteve sociale se do t'i përgjigjet ftesës së Prokurorisë Speciale, duke i cilësuar këto hetime si "presion politik" ndaj përfaqësuesve të komunitetit serb në Kosovë

Lista Serbe është partia më e madhe e serbëve në Kosovë dhe gëzon mbështetjen e Beogradit.

Zyrtarët e kësaj partie edhe më herët kanë marrë thirrje nga Prokuroria Speciale për intervistim lidhur me “sulm ndaj rendit kushtetues të Kosovës”.