Kuvendi i Kosovës është boshatisur sot, pak para nisjes së seancës së 42-të, pas pranimit të një kërcënimi për mjet shpërthyes.
Policia e Kosovës ka njoftuar se deputetët dhe stafi janë evakuuar nga ndërtesa e Kuvendit pas marrjes së një informate për një kërcënim me bombë.
Në një njoftim për media, Policia ka konfirmuar se kërcënimi ka ardhur përmes një SMS-je.
“Sot, me datë 05.07.2025, në orët e paradites, është pranuar një informatë (përmes SMS-je) për një kërcënim me mjet shpërthyes në objektin shtetëror të RKS-së. Me të pranuar informatën, janë angazhuar njësitë kompetente policore, të cilat fillimisht kanë krijuar perimetrin e sigurisë dhe kanë evakuuar personat nga objekti. Policia e Kosovës ka njoftuar prokurorinë kompetente dhe hetuesit policorë, të cilët, së bashku me njësitë dhe ekspertët përkatës për deminim, po kryejnë veprimet e duhura të kontrollit në objekt”, thuhet në njoftimin e Policisë.
Mediat raportojnë se mesazhi kërcënues, i shkruar në gjuhën angleze, ka arritur në adresën e një punëtoreje në zyrën e Kryetarit të Kuvendit, Glauk Konjufca.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
