Rezultatet e para të zgjedhjeve lokale në Kosovë kanë nisur të publikohen nga Komisioni Qendror i Zgjedhjeve.
Në Podujevë janë numëruar mbi 72% të votave. Sipas rezultateve paraprake kryetari aktual dhe kandidati i Lëvizjes Vetëvendosje, Shpejtim Bulliqi po kryeson me 52.89% dhe pritet ta fitojë pa balotazh një mandat të dytë. Kandidati i LDK-së, Ekrem Hyseni ka marrë 39.2%.
Në Pejë janë numëruar 83.7 për qind të votave. Kandidati i LDK-së ka marrë 46.23% të votave.
Sipas rezultateve të deritanishme Lista Serbe ka fituar fituar pa balotazh në Leposaviq, Novobërdë, Shtërpcë, Zubin-Potok, Zveçan, Graçanicë, Ranillug, Partesh, Kllokot e Mitrovicë të Veriut.
Gjilani po shkon drejt balotazhit pas numërimit të mbi 38% të votave. Alban Hyseni, kryetari aktual ka marrë 48.96% ndërsa pritet të jetë në balotazh me kandidatin e LDK-së, Arbër Ismajlin, i cili ka marrë 33.04% të votave.
21:02- Komisioni Qendror Zgjedhor (KQZ) në Kosovë ka nisur të publikojë rezultatet e para të zgjedhjeve lokale të mbajtura këtë të diel.
Në Prishtinë Përparim Rama i LDK-së prin me 34%, ndërsa Hajrulla Çeku i VV ka 32%.
Në komunën Drenas, kryetari aktual Ramiz Lladrovci ka 48.06% ndërkohë, Petrit Hajdari i PDK-së, ka 33.98% apo 210 vota.
Në Shtime gara duket e ngushtë mes kandidatit të VV-së dhe kryetarit aktual Qemajl Aliu dhe atij të PDK-së, Përparim Ramusa.
Procesi i votimit ka përfunduar në orën 19:00 në të gjitha vendvotimet e Republikës së Kosovës.
Sipas të dhënave preliminare të pranuara nga rreth 95% e vendvotimeve, numri i qytetarëve me të drejtë vote që kanë votuar deri në orën 19:00 është 791,123 votues, apo 39.07% nga gjithsej 2,025,105 votues me të drejtë vote.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
