Lumir Abdixhiku mbetet kryetar i Lidhjes Demokratike të Kosovës. Kjo pasi ditën e sotme delegatët e pranishëm në Kuvend votuan në mënyrë të fshehtë për ofrimin e dorëheqjes së Lumir Abdixhikut.
Rreth 55% e delegatëve votuan pro kryetarit aktual të LDK-së, Lumir Abdixhiku, duke refuzuar dorëheqjen e tij.
Në total nga 300 delegatë, 164 votuan kundër dorëheqjes së tij dhe 136 pro.
Në përfundim të votimit Abdixhiku bëri thirrje që të gjithë të bashkohen, me qëllim ringritjen e partisë.
“Në këtë mes nuk ka as humbës e as fitues”, u shpreh ai.
Abdixhiku i paraqiti Kuvendit të LDK-së dorëheqjen nga partia, pas rezultatit të arritur në zgjedhjet e parakohshme parlamentare të 28 dhjetorit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
