Qeveria e Kosovës ka vlerësuar se nuk ka pengesa ligjore për nismën e Partisë Demokratike të Kosovës (PDK) për ndryshimin e Ligjit për Dhomat e Specializuara.
Ky opinion ligjor i është përcjellë Kuvendit më 2 tetor, pas dënimit në shkallë të parë të katër ish-udhëheqësve të UÇK-së (Hashim Thaçit, Jakup Krasniqit, Kadri Veselit dhe Rexhep Selimit) në Hagë.
Nisma e PDK-së synon të ngushtojë juridiksionit e Gjykatës Speciale, të kufizojë dënimin maksimal në 15 vjet, të mundësojë ankimimin në Gjykatën Supreme të Kosovës dhe t'i japë presidentit të drejtën për faljen e të dënuarve.
Ekspertët juridikë paralajmërojnë se këto ndryshime mund të cenojnë zotimet ndërkombëtare të Kosovës me BE-në, ndërsa presidentja e Komisionit Evropian, Ursula von der Leyen, theksoi rëndësinë e respektimit të pavarësisë së gjyqësorit.
Kjo lëvizje ka krijuar një krizë të fortë politike. Kryetari i PDK-së, Bedri Hamza, pas një takimi pa marrëveshje me kryeministrin Albin Kurti, deklaroi se miratimi i këtij ligji është kusht që partia e tij të diskutojë për zgjedhjen e presidentit të ri.
Me afatin që përfundon më 6 tetor, Kosova rrezikon zyrtarisht të shkojë në zgjedhje të jashtëzakonshme parlamentare nëse dështon votimi i kreut të shtetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
