I dërguari i posaçëm i ish-presidentit amerikan, Donald Trump, për dialogun Kosovë–Serbi, Richard Grenell, ka akuzuar presidenten e Kosovës, Vjosa Osmani, se i ka shtrembëruar deklaratat e Trumpit lidhur me ndërhyrjen e tij në situatën e sigurisë në Ballkan.
Përmes një postimi në platformën X, Grenell ka rikujtuar nënshkrimin e Marrëveshjes së Ëashingtonit në vitin 2020 në Zyrën Ovale, duke thënë se presidentja Osmani nuk ka qenë pjesë e këtij procesi.
Ai ka reaguar pas deklaratës së Osmanit se ish-presidenti Trump e kishte ndihmuar Kosovën të shmangte një përshkallëzim të fundit të situatës me Serbinë.
“Turp për Vjosa Osmanin që manipuloi fjalët e presidentit Donald Trump. Trump u nominua për Çmimin Nobel për Paqen për rolin e tij në normalizimin ekonomik mes Kosovës dhe Serbisë në vitet 2019 dhe 2020 – përmes Marrëveshjes së Ëashingtonit të nënshkruar në Zyrën Ovale. Osmani nuk ishte pjesë e kësaj marrëveshjeje. Të pretendosh sikur ka diçka të re është absurde”, ka shkruar Grenell.
Presidentja Osmani, pak kohë më parë u shpreh se Trump ka ndihmuar në parandalimin e një përshkallëzimi të fundit të situatës së sigurisë në Kosovë nga Serbia – duke iu referuar zhvillimeve të fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
