Qytetarët e Kosovës do t’i drejtohen nesër kutive të votimit për të zgjedhur kryetarët në 38 komuna të vendit. Sipas Komisionit Qendror Zgjedhor, në zgjedhje do të marrin pjesë 2 milionë e 25 mijë votues, ndërkohë që në çdo qendër votimi janë vendosur kamera sigurie për të garantuar mbarëvajtjen e procesit zgjedhor. Në studion e MCN, analisti Dorajet Imeri tha se këto zgjedhje mund t’u japin serbëve komunat e veriut, por kjo nuk do të mund të zhbëjë atë që Kosova ka arritur në katër vitet e fundit.
Në komunat në veri të Kosovës, nëse merr pjesë Lista Serbe, ka gjasa të kthejnë pushtetin atje. Prania e serbëve është më e madhe si fuqi votues. Ata mund të kthejnë pushtetin, por nuk mund të kthejnë pas proceset e arritura deri tani. Ajo që është arritur në nivelin e sigurisë, rendit dhe ligjit është arritja më e madhe e Kosovës në 4 vitet e fundit. Nuk do të mund të ketë asnjë tërheqje në raport me atë që është siguruar. Është shumë e rëndësishme që serbët të marrin pjesë në zgjedhje, është shumë e rëndësishme që të zgjedhin përfaqësuesit e tyre dhe kjo është mundësia që Kosova u jep në mënyrë të vazhdueshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
