Prokurorët specialë në Hagë kërkuan dënimin me nga 45 vite burg për Hashim Thaçin dhe tre ish-krerët e tjerë të UÇK-së.
Në një analizë për emisionin "MCN Live", profesori i Shkencave Politike, Nexhmedin Spahiu, ka komentuar mbi procesin gjyqësor, duke theksuar se prokurorët po përpiqen të zbehin rolin komandues të Thaçit dhe të të tjerëve.
Sipas tij, është e paqartë nëse do të ketë dënime të tilla të rënda, pasi Gjykata e Hagës do të ketë fjalën e fundit.
Unë nuk po paragjykoj pafajësinë e të akuzuarve. Do të jetë Gjykata ajo që do të japë verdiktin. Krimet e luftës në Kosovë janë të dokumentuara dhe ka viktima që ende po kërkojnë drejtësi. Pavarësisht se kush ka pasur përgjegjësinë, kjo duhet të vërtetohet.
Forcat serbe mbeten përgjegjëse për shumë prej krimeve të ndodhura gjatë luftës, dhe ata janë dënuar, por për një pjesë të viktimave, fajësia është hedhur në drejtim të të akuzuarve në Hagë.
Shumë prej atyre që janë akuzuar janë persona që mund të kenë pasur një rol të rëndësishëm në periudhën e luftës, por që tani po përpiqen të shmangin përgjegjësinë për krimet e luftës.
Unë jam i bindur se nuk do të ketë dënime me 45 vite burg për secilin nga ata të akuzuar.
Do të shohim nëse do të ketë dënime, lirime nga fajësia apo ndonjë dënim më të lehtë, por kjo është në duar të gjykatës.
Në lidhje me financimin e procesit, Spahiu theksoi se Serbia dhe Rusia nuk financojnë gjyqet në Hagë, por miqtë e Kosovës janë kontribues të rëndësishëm në këtë proces, duke përmendur faktin se shteti i Kosovës ka dhënë mijëra euro për avokatët që mbrojnë të akuzuarit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
